مشاهدة الملف الشخصي
مشاهدة مشاركات المنتدى
رسالة خاصة
مشاهدة مقالات المدونة
مشاهدة المقالات
احمد وعلى وخطاب
تلاتة من الشباب
واحد شاعر والتانى حبييب والتالت نصاب
بس التلاتة اصحاب
والتلاتة مش فاضيين
طبعا بالنهار نايمين بيحلموا بسراب
واول الليل على قهوة رباب
واخرة عند واحد فيهم بيعملوا الدماغ
ياة عالفراغ
يا خسارة الشباب
لا فية شغلة ولا مشغلة والعيشة اخر هباب
عايشين فبلدهم وسط اهلهم لكن اغراب
وفى يوم قاعد احمد ويا على القهوة
اذ دخل عليهم خطاب على سهوة
ازيكم يا شباب
هاتلى يابنى طاولة وواحد عناب
احمد: اية يا بنى متشوف موبايلك بيرن
على:سيبك منة دى البت منى مش حتبطل زن
اقولها نقضيها حب تقولى لا جواز
احمد: خلاص اطفى الجرس وخلية هزاز
خطاب: هو عم عبدة ليل نهار قاعد بيشوف الاخبارالدش
احمد : سيبك منة وتعالى نلعب واياك تغش
عم عبدة بيتفرج وفى ايدة سيجارتة السوبر
والايد التانية مقطوعة من حرب اكتوبر
عبدة صائحا:
يعنى اية يبيعوة هى فوضى ياهوة
هو كان بتاع ابوهم ولا اشتروة
مش باقى غير الهرم هو كمان يبيعوة
خطاب: اتمسكت يا حلو فاليك
احمد : ولو الدور بتاعى ورينى حتلعب ازاى الدوة
عبدة : وادى البنزين غلوة
دى بقت حاجة زفت
مش حيبطلوا فينا هرس
خطاب: وادى الدور الاولانى مارس
بقولك اية
هو الراجل دة عندة عربية
على: لا
خطاب : امال هو زعلان لية
احمد: اصل ما دام غلوا البنزين
يبقى كمان هيغلا التموين
على : مسكين حيجيب منين
عبدة: اللل كمان هيعدلوا الدستور
قال عد غنمك يا جحا
تقولش اللى عايزين يحكمونا واقفين طابور
مخلاص بقت ملكية
دة ليل طويل ومش باين لة نهار
خطاب: شيش جوهار
العشرة راحت يا فنان
على : معلش يا احمد ملكش نصيب
احمد بص لعم عبدة وقال
خطاب غلب صحيح بس البلد كلها حتحاسب عالمشاريب
الرد باقتباس
مواقع النشر (المفضلة)