| | | |
| |
| |||||||
| عرض نتائج الاستفتاء: ما رأيك في طريقة الشرح | |||
| فريدة من نوعها !!!! |     | 6 | 85.71% |
| عادية !!!! |    | 1 | 14.29% |
| مكررة !!!! |    | 0 | 0% |
| المصوتون: 7. لم تقم بالتصويت على هذا الاستفتاء | |||
 |
| | LinkBack | خيارات الموضوع | طريقة العرض |
|
#1
2006-07-25, 11:09 PM
| ||||
| | ||||
 الدرس الثالث في دورة الثري دي ماكس السلام عليكم يا شباب أولا : أنا اسف لتأجيل الدورة لكن و الله الظروف هيا السبب وانا بكتب لكم من نت كافييه لان النت عندي في البيت فاصل من يوم الثلاثاء اللي فات و شكله مش جاي قريب و لذلك الدورة هتكون مش منتظمة و انا عن نفسي اول لما اخلص درس هاروح النت كافييه ارفع لكم الصور و الدرس و لو تحبو ممكن نعمله كمان ملف pdf لاي يحد عايزه لو انتو موافقين انا مستعد و الملف جاهز ان شاء الله و اتمني الدرس يعجبكو علي الرغم من انه قصير قوي . ثانيا :اسف لأني كتبت ان الدرس التاني لسه ما كملش و رحت بدأت في الدرس الثالث اللي هوه النهارده و ده علشان مش عارف أعدل في الدرس اللي فات اصل أنا كنت فاكر إني أقدر أعدله في أي وقت علشان أنا صاحبة لكن طلع في مدة معينة و علشان كدة إن شاء الله هاكتب الدروس كاملة علي بعضها و علي العموم حصل خير . طيب اللي مش متابع من أول الدورة : لمشاهدة الدرس الأول : اضغط هنا. لمشاهدة الدرس الثاني : اضغط هنا. ملاحظة هامة جدًا : لا تقم أبدا بالحفظ علي الملف الموجود لديك و انما حافظ عليه كما هو ففي كل تمرين ساعتمد علي أن الملف لديك بحالته الاصلية و لو عايز تحفظ شغل معين انت عملته عليه قم بحفظه في ملف باسم آخر .  بسم الله الرحمن الرحيم نبدأ تعرفنا في الدروس اللي فاتت ازاي نتحكم في view ports و كمان عرفنابعض أزرار شريط المهام الرئيسي main toolbar دلوقتي هنكمل باقي الأزرار : زر التحريك  يستخدم لتحريك الكائنات objects , قم بفتح الملف المرفق بالدرس الثاني ثم قم باختيار الكرسيبأحد الطرق الموضحة بالدرس الثاني و لتحريك الكرسي قم بالضغط علي زر التحريك فتلاحظ ظهور ثلاث محاور لتقوم بالتحريك عليها كما بالشكل : ملاحظة : التحريك في منفذ رؤية المنظور غير دقيق و يعيبه أنه مخادع للغاية فما تراه ليس بالضرورة حقيقي و لذلك يجب أن يكون كل شغلك تقريبا في المساقط . طيب هتلاحظ إن انت عندك ثلاث محاور x,y,z و عندك ثلاث مستويات xy , xz , yz و بكده هيكون من الممكن انك تحرك في اي من الاختيارات السته السابقة فلو مثلا عايز تحرك الكرسي لفوق او لتحت يبقي هتخلي سهم الماوس يشاور عاي محور الـz بحيث يتحول لونه للاصفر و تضغط بالماوس و تشد الكرسي لفوق لتحت معاك و زي الصورة دي  و نفس القصة دي لو سيادتك عايز تحرك الكرسي في محور الـx او في محور ال y طب لو عايز تحركه في في مستوي zy مثلا يعني بحيث تقدر تحركه في اي من الاتجاهين z , y بدون تقييد !!!!!!!!! يبقي تخلي السهم بتاع الماوس يشاور بحيث يكون كما في الصورة اللي قبل اللي فاتت . تمام كدة يا باشا . طيب انت دلوقتي مثلا مش في المنظور انت في المسقط " منفذ الرؤية " الأمامي front هتلاحظ ان شكل المحاور اللي بتحرك عليها اختلف هتلاقيهم بقو اتنين مش ثلاثه و بالتاي في المسقط الأمامي مثلا مش هتقدر تحرك الجسم غير في ثلاث اتجاهات هما x , y , xy بس . طيب واحد منكم مثلا مش عاجبه العملية دي و شايف انها مش دقيقة و إنه محتاج دقة أكتر من كدة زي بتوع قسم عمارة عندنا في كلية الهندسة اقوله ان في طريقة تانيه و هي طريقة التحريك بالاحداثيات (x,y,z) فلو بصيت في نافذه الماكس تحتهتلاقي عندك شريط زي ده :  و دي بتكتب فيها الإحداثيات فيها و بتكون العملية دي دقيقة جدا و مفيدة برضه في أحيان كتير . طيب هتلاحظ إنك انت في المربع ده بتكتب الاحداثيات بالنسبة لنقطة الأصل (0،0،0) يعني لو كتبت مثلا في مربع الاحداثي x اي رقم و ليكن 50 و في y 50 و في z 50 "لازم تكون مفعل اختيار اي كائن يعني مثلا مختار الكرسي و لازم تكون مفعل زر التحريك يعني لونه أصفر" هتلاقي ان الكرسي انتقل للنقطة (50،50،50) طيب افرض انت مش عايز تقعد تحسب هتضيف كام او هتنقص كام و عايز من الاخر تقول للكرسي امشي من عندك 50 في الx و 60 في y .............. وكده هتلاقي عندك في مكان كتاب الاحداثيات الزر ده  Absolute Mode و ده يعني انك انت بتقول للبرنامج انك هتعتبر ان الكائن بتاعك هو نقطة الصفر اللي هتحرك منها يعني لو قلت تحريك في اتجاه الاكس 10 هيمشي من مكانه عشره و لو قلت في الواي سالب خمسة هيرجع من مكانه خمسه وهكذا ........ممكن برضه تشوف تشوف مكان كتابة الاحداثيات بس بطريقة اوسع لو انت ضغطت كليك يمين بسهم الماوس علي زر التحريك move و فورا هيظهرلك المربع ده :  وهتلاقي عندك المربع متقسم نصفين النصف الشمال ممكن تكتب فيه البالنسبة لنقطة الصفر اللي هوه العادي و و النصف الشمال اللي تتكتب فيه بالنسبه للجسم بتاعك . و كمان ممكن نستخدم زر التحريك Move لنسخ الكائن أكتر من مرة مثلا قم باختيار الكرسي و المكتب معا كما تعلمنا في الدرس الماضي ثم اضغط علي زر التحريك ثم اضغط من لوحة المفاتيح علي زر ال Shift و استمر بالضغط و أنت تحرك الكائنين في أي اتجاه يعجبك و ليكن ال y مثلا ثم بعد الانتهاء من التحريك اترك مفتاح ال shift و ستجد انه سيظهر لك مربع حواري كالاتي :  و منها نختار عدد النسخ 4 و نضغط ok و سيكون الناتج كالاتي :  و لو تمعنت في النمظر في صندوق الحوار الموجود في الصورة قبل الأخيرة ستجد أن هناك ثلاثة اختيارات هي : 1-copy وهي تعني أن تقوم بعمل نسخه فقط من الكائن . 2- instance و هي تعني أن تقوم بعمل نسخة مرتبطة بالأصل فلو أنت عملت تعديل في الأصل يتعدل في النسخة و لو عملت تعديل في النسخة يتعدل في الأصل . 3- Reference و تعني أن تقوم بعمل نسخة من الكائن يكون الكائن الأصلي مرجع لها فلو قمت بعمل تعديل للكاءن يتم التعديل كذلك في النسخة أما لو قمت بعمل تعديل في النسخة لا يتم في الأصل زر التدوير Rotate  يستخدم لادارة الكائن وو لو ضغطت عليه هتلاقي عندك ثلاث محاور تدور حوليها زي التحريك بالضبط و كل الكلام اللي قولناه عن التحريك كذلك ينطبق علي التدوير بما في ذلك طريقة النسخ و جرب نفس الكلام اللي فوق علي التدوير علي علشان تتمرن عليه .زر التحجيم Scale  يستخدم لادارة الكائن وو لو ضغطت عليه هتلاقي عندك ثلاث محاور تدور حوليها زي التحريك بالضبط و كل الكلام اللي قولناه عن التحريك كذلك ينطبق علي التدوير بما في ذلك طريقة النسخ و جرب نفس الكلام اللي فوق علي التدوير علي علشان تتمرن عليه .أزرار Selection Set  تستخدم لتحديد مجموعة من الكائنات معا فمثلا قم باختيار مجموعة من الكائنات فمثلا قم باختيار الكرسي ثم اضغط علي زر Ctrl و استمر بالضغط عليه و اختر المنضدة و استمر بالضغط عليه و اختر المنضدة ثم اترك زر ال Ctrl اذهب الي مكان الكتابة في ال selection set و اكتب مثلا Desk&chair ثم اضغط Enter ثم قم باختيار أي شئ آخر و لاختيار المجموعة اختها من ال selection set و لتعديلها اضغط علي هذا الزر  و سوف يظهر لك صندوق كما بالشكل : زر المراة Mirror  يستخدم لعكس الكائن وفلو مثلا قمت باختيار اي كائن و ليكن الكرسي ثم ضغطت علي زر المراة فسيظهر لك الصندوق التالي : و ستلاحظ أنك يمكنك العكس في اي من الست اتجاهات التاليه x , y , z . xy . xz , yz و ستلاحظ وجود مجموعة اختيارات كما بطريقة النسخ باستخدام ام التحريك الا انه يوجد اختيار زائد و هو None و هو يعني انك لا تريد عكس صورة من الكائن و انما تريد عكسه فقط . 6- زر معدل الخامات Material Editor  و سوف نتناوله لاحقا مع باقي الازرار التي لم نأتي بذكرها .7- زر Render (صورة 17) و هو آخر خطوات العمل لانهاءه و الحصول علي المنتج النهائي و يتم تعديل طريقته و اختياراته من زر Render Scene Dialog (صورة 1  .و بكده يا شباب إحنا خلصنا كل أزرار شريط الأدوات الرئيسي كله ما عدا بعض الازرار اللي هنشرخها خلال شغلنا بعد كدة حسب احتياجنا و اسف كمان مرة علي تأخير الدرس . آسف يا شباب لأ الدرس المرة دي مش متنسق و مكتوب صح لأني كتبته علي شكل ملف وورد و خدته علي سي دي و رحت نت كافي و علت كوبي باست فكل التنسيق اللي كنت عامله راح  |
|
#2
2006-07-25, 11:27 PM
| |||
| | |||
| رد: الدرس الثالث في دورة الثري دي ماكس جزاك الله خيرا على هذا المجهود الرائع. |
|
#8
2006-08-05, 06:46 PM
| ||||
| | ||||
| اسف علي التأخير ا جماعة شكرا يا جماعة علي الردود و اسف لان النت لسه مجاش و كل شغلي متعطل خالص و اوعدكم اول ما ييجي و هوه احتمال ييجي الخميس الجاي اول لما ييجي نكمل و بالنسبة لكتابة اسمي علي الصور دي فكرة ما كانتش علي بال و هطبقها من المرة الجاية ان شاء الله و شكرا علي النقط |
|
#10
2006-09-07, 10:06 AM
| ||||
| | ||||
 الدرس جاهز يا جماعه بس مستني مين يرفعه يا جماعه انا اسف و محرج جدا بس انا اعمل ايه بس عندي مشاكل كبيرة في النت في البيت و لسه ما اتوصلش و حيوصل قريب باذن الله ادعلي بس المشاكل تخلص و المشكلة اني بكلمكو دايما من النت كافييه و علي قكرة الدرس رابع اتعمل بالصوت و الصورة يعني فيديو و حجمه حوالي 40 ميجا و المشكلة هي مين اللي هيرفعه و متي و عايز اعرف تحبو ارفع الملف بحيث تقدروا تتفرجوا عليه من علي النت علي طول و لا تحبوا ارفعه و انتم تنزلوه بعد كده و لا الاتنين و ده هيكون صعب جدا عليا و ياريت لو حد يعرف طريقة لضغط الفيديو اكتر يقوللي و شكرا أخوكم أسامه جمال |
|
| مواقع النشر (المفضلة) |
| يتصفح الموضوع حالياً : 1 (0 عضو و 1 ضيف) | |
| خيارات الموضوع | |
| طريقة العرض | |
|
|
مواضيع مشابهة للموضوع: الدرس الثالث في دورة الثري دي ماكس | ||||
| الموضوع | الكاتب | القسم | الردود | آخر مشاركة |
| الدرس الثالث في دورة ال php: عبارة if وعبارة elso | محمد الفرح | تطوير المواقع والمنتديات | 18 | 2008-04-10 02:21 PM |
| الدرس الأول في دورة الثري دي ماكس:مقدمة عن العالم ثلاثي الأبعاد | osama0gamal | التصميم والجرافيكس | 24 | 2007-10-05 03:03 PM |
| الدرس الرابع في دورة الثري دي ماكس | osama0gamal | التصميم والجرافيكس | 25 | 2007-10-05 02:59 PM |
| دورة عمل سجل زوار الدرس الثالث :-(عمل صفحة تسجيل دخول) | محمد الفرح | تطوير المواقع والمنتديات | 8 | 2007-09-29 12:40 AM |
| الدرس الثاني في دورة الثري دي ماكس:واجهة البرنامج | osama0gamal | التصميم والجرافيكس | 17 | 2007-04-10 05:16 PM |
النمط المتتابع
