السلام عليكم ,
أخوانى الأعزاء , انا عندى شوية اسئلة محتاجة اجابة ومتهيألى نفس الأسئلة بتدور فى دماغ كل المبتدئين فى القراءة عن الينوكس , و الأسئلة دى هى اللى مخليانا مترددين قبل مانغير نظام التشغيل , عشان كده ارجو من اخوانا اللى على دراية بالموضوع يخلو عندهم شوية صبر و يحاولو يفهمونا , و طبعا لو فى حد من المبتدئين عنده اجابة للأسئلة دى و متأكد من اجابته يبقى كتر خيره , ولو الموضوع طلع مفيد نبقى نطلب من المشرفين تثبيت الموضوع , بحيث ان كل مبتدأ يدخل على الموضوع ده و يتعرف على المعلومات الأولية و كمان طرق حل المشاكل المتوقعة , يلا نبدأ الأسئلة :
1- هل يمكن تصطيب الينوكس على اى برتشن غير الc
2- هل البرتشن لازم يكون متقسم ببرنامج معين او فورمات معين (Fat 32 ,NTFS, etc..)
3- بعد تصطيب الينوكس هل ممكن يشوف بقية البارتسشنز غير اللى هو متصطب عليها
4- هل ممكن استخدام البرامج المتوافقة مع الويندوز , مع الينوكس
5- انا سمعت ان فى برنامج اسمه office cross over بيشتغل مع الينوكس و ممكن يفتح ملفات معمولة باستخدام microsoft office , طيب الملفات دى لو مكتوبة بالعربى هل فعلا ممكن يفتحها و لا لازم التوزيعة تكون فيها عربى الأول
6-البرامج الجامدة جدا زى البرامج الهندسية (اوتوكاد ,ماتلاب, .....) و الفيجوال بيزك و الحاجات دى , ياترى ممكن نستخدمها مع الينوكس
7- انا عندى موقع صوغنن على النت , و بعرف اشغله بالعافية من على الويندوز سيرفر , ياترى لو غيرت ل لينوكس هاتبقى المواضيع سهلة , طيب و ابدأ منين , أو اقرأ فى ايه عشان اعرف الحاجات دى بتتعمل ازاى على الينوكس
اتمنى انى اشوف الأجابة بسرعة , انا عارف ان بعض الأسئلة ممكن يكون غبى شوية
بس أعذرونى انا لسة مبتدأ:sweatingb
و ياريت اى حد عندو اجابة مايبخاش علنا بيها (و هنيالك يا فاعل الخير و الثواب :giggle: )

السلام عليكم,

بصراحة ماقدرتش اصبرلما الأخوة الكرام يردو على الأسئلة , و انا بدور لاقيت الوقع الهايل ده
http://www.muslm.net/vb/showthread.php?t=164322

فى العديد من الأجابات , و أتمنى انكو تستفيدو منه

بس ده مايمنعش اننا نسمع اجابتكم برده :p , احنا نحب نبقى متأكدين من كل حاجة

و انا خلاص قررت أغير النظاااااااااااااااااااااااااااام

اشوفكم بعد التجربة و أقولكم على رأيى:tooth:

بسم الله الرحمن الرحيم
بالنسبة للسؤال الأول :
نعم يمكن ان يثبت اللينوكس على أى بارتشن سواء كان primary او logical .

السؤال الثانى :
نعم يجب أن يكون البارتشن مهيئا بال linux file system مثل ext3 او reiserfs أما الأنواع التى ذكرتها فهى لنظام الويندوز فقط .

السؤال الثالث :
يدعم اللينوكس اكثر من ثمانون file system ومنهم تلك الخاصة بنظام الويندوز مثل ال fat , fat32 ,NTFS
وبالتالى فهو يستطيع القراءة والكتابة على هذه البارتشنات ماعدا ال NTFS فتدعمه نواه اللينوكس فى القراءة فقط ويمكن تنزيل بعض البرامج الإضافية التى تمكنك من القراءة والكتابة .

السؤال الرابع :
ماذا تقصد بالبرامج المتوافقة مع الويندوز هل تقصد برامج الويندوز بعينها , إن كان هذا قصدك فهو غير ممكن وهذا ليس عيب لينوكس ولا ويندوز ولكن لكل نظام طريقة مختلفة فى التعامل مع الملفات وخصوصا الملفات الbinary فالملف التنفيذى أو ال binary الخاص بالويندوز به تعليمات معينة تخص نظام التشغيل ويقوم نظام التشغيل بعدها بالتعامل معها لتنفيذها عن طريق البروسيسور أو موارد الجهاز الأخرى وبالتالى فالملف التنفيذى الخاص بالويندوز يختلف عن مثيله الخاص باللينوكس .

ولكن هناك برامج تصدر منها عدة نسخ مختلفة تكون كل واحدة منها خاصة بنظام معين .
مثل برنامج open office فتوجد منه نسخة تعمل على ويندوز واخرى على لينوكس واخرى على الماك واخرى على ال BSD واخرى على السولاريس وهكذا .

السؤال الخامس :
بالنسبة لبرنامج cross over office فهو عبارة عن نسخة تجارية معدلة من المحاكى wine وهذا موضوع آخر .
يقوم هذا البرنامج بالمساعدة فى تنزيل برامج الويندوز ال مثل الأوفيس على أنظمة اليونكس عموما التى تدعم ال X server ولن نخوض فى كيفية عمله ولن هو يعمل كمحاكى لهذه البرامج وبالتالى يصبح لديك نسخة ميكروسوفت اوفيس مركبة على نظام لينوكس تستطيع استخدامها فى فتح ملفات الأوفيس كيفما تشاء ولكن بالنسبة لموضوع اللغة العربية فعلى حد علمى ان منصة واين لا تدعم العربية وبالتالى اعتقد ان هذا البرنامج لن يدعمها ولكن هناك بديل يا أخى لبرنامج ميكروسوفت اوفيس هناك برنامج المصدر المفتوح Open Office وهو يدعم كل الأنظمة بما فيها الويندوز ويدعم ايضا تنسيق ميكروسوفت اوفيس .وهذا رابط البرنامج www.openoffice.org

السؤال السادس :
بالنسبة لبرنامج الأوتوكاد لا يوجد منه نسخة تعمل على لينوكس ولكن هناك بدائل اخرى له موجودة اما الماتلاب فتوجد منه نسخة تعمل على لينوكس تصدرها الشركة صاحبة البرنامج كما ان هناك برامج اخرى كبديل لبرنامج الماتلاب مثل ال scilab وال Octave .

السؤال السابع :
بالنسبة لموقعك ان كان مكتوب بال html او الجافا سكريبت او اى من هذه اللغات القياسية فلا توجد مشكلة أما ان كانت فيه server side script مثل ال ASP او ASP.NET فهذه لغات ميكروسوفت ولا تدعهما ميكرسوفت على بيئات اخرى وان كان مشروع مونو يحاول الآن حل هذه المشكلة .
اما ان كنت تتكلم عن ال php او jsp فهذه اللغات مدعومة فى ال Linux .

سأقوم بتثبيت الموضوع للإستفادة ومنعا لتكرار الأسئلة .

ياااااااااااااااااااا سلاااااااااااااااااااااااام عليك
والله يعنى احنا مش عرفين نودى جمايلك فين , جزاك الله كل خير ,
و بما اننا لقينا واحد عارف كده و خبير , كاعادتنا لازم نستغله :p

طبعا استكمال لموضوع الأسئلة :

1- عرفت ان فى برتشن مهم للينوكس بيتعمل اثناء التقسيم اسمه swap , واللى قالى عليه قاللى لازم يكون حجمه 512 ميجا , أرجو توضيح دور الجزء ده

2- انا حملت الينوكس العربى الموجود هنا فى المنتدى , و عملته على سى دى و اشتغلت تمام (لايف)
و لاقيتها أكثلر من هايلة , بس ............................
أولا مش عارف اضبط تعريف كارت wireless network و كمان فى تفاصيل كتير أوى بيطلبها النظام و انا بحاول اجهز اعدادات الأنترنت , ومش عارف افهم منها حاجة

ثانيا البارتشن swap مش ظاهر فى "my box" و لما جيت اصطب على الهارد كان فى حاجات مطلوبة "home" , "swap" و بصراحة خفت اتصرف لأن عرفت ان ممكن الإختيارات الغلط تطير كل الموجود على الجهاز , فياريت يكون فى شرح لخطوات التصطيب (معلش انا عارف انها رزالة )

3- انا لاقيت توزيعات مجانية على الموقع www.linuxiso.org و منه حملت التوزيعة SUSE10.1 , و زى ما انت عارف انها على خمس أقراص , فياترى ايه المزايا اللى فيها عن التوزيعة العربية اللى معانا , وياترى تصطيبها مختلف

كفاية كده النهاردة لحسن انضرب:sweatingb
ومرة تانية جزاك الله خيرا

بالنسبة لموضوع ال Swap فهو مهم جدا فهو يعمل كذاكرة ظاهرية ويجب أن يكون حجمه ضعف حجم الذاكرة التى لديك على جهازك أو اكثر كما تحب .
اما بالنسبة لتوزيعة ارابيان لينوكس فلديها منتدى دعم ستجد فيه ضالتك .
وهذا رابط منتدى أرابيان لينوكس . http://www.arabian.arabicos.com/html..._smf&Itemid=26

أما بالنسبة لموضوع مجلد الhome فهذا الأمر يرجع الى طبيعة استخدامك للنظام وعلى كل حال يفضل أن تقوم بعمل بارتشن بمفرده لمجلد الhome وتقوم بعمل mount له فوق ال home directory او ان كنت مبتدأ لا تقوم بعمل هذا المجلد واترك مجلد ال home ليصبح مجلدا فرعيا من نظام الملفات الرئيسى .

بالنسبة لتوزيعة السوزى فهى توزيعة كاملة تأتى محملة بكل برامجها الموجودة على الخمس اسطوانات .

جزاك الله خيرا
"للأسف مش هاتاخد منى أكتر من كده "

أجرب و لو فى حاجة , طبعا هاسألك تانى:rolleyes:

السلام عليكم,

هذه المرة سأحكى لكم " للمبتدأين اللى زى حالاتى" تجربتى مع محاولة تثبيت لينوكس ارابيان الموجود الرابط بتاعه هنا فى المنتدى :

أول حاجة طبعا هى تنزيل ملف الأيزو , و بعدين حرقه على cd , "دى حاجة سهلة اوى:giggle: "

تانى حاجة : نعمل restart (طبعا و السى دى فى الجهاز:giggle: )

اول ما يبدأالجهاز فى التحميل بيطلعلك شاشه فيها خيارات اللغة , اختار الأنسب ليك و انتظر حتى ينتهى التحميل

زى ما انتو عارفين ان السى دى لايف , و اللى مش عارف يعنى ايه لايف , نقولو انها معناها انك ممكن تشغل الينوكس من عليها و تستعمله كأى نظام تشغيل من غير ما تصطبه على الجهاز , و لو عجبك تقدر تصطبه , المهم انه عاجبنى و بصراحة شكله جميل جدا و كمان سهل فى التعامل

موجود على السى دى ملف بيشرح خطوات التصطيب و بالصور كمان , عملت كل اللى موجود بالضبط لحد نقطة المفرض انك بتختار اسمه (MBR = master boot record ) بصراحة قلقت و خفت انه يعمل حاجة فى البارتشن اللى عليه الويندوز

و هى دى الحاجة الوحيدة اللى عملتها مخالفة للخطوات المذكورة , و بعد اعادة التشغيل .................

ماحصلش اى حاجة , و لا كأنى عملت حاجة

المهم كررت الخطوات تانى و عملت زى المكتوب بالضبط , و كانت النتيجة .....................

اولا فى بداية التشغيل لم أجد اختيارات نظام التشغيل , و الجهاز بدأ يحمل ويندوز على طول
و بعدين طلع رسالة خطأ و عمل shuttdown

من الأخر البارتشن اللى عليه الويندوز لاقيت الفورمات بتاعه اتغير :unsure:

قات لنفسى مش مشكلة , ممكن أصطب الويندوز تانى و أرجع كل البرامج

و أعدت التشغيل بنفس الأسطوانة و كررت نفس الخطوات , ...............
و اللى حصل المرة اللى فاتت هو نفسه اللى حصل بعد كده .
من الأخر دخل على البارتشن اللى بعده و طيره
و فقدت أكثر من 2 جيجا من الكتب , و مجموعة برامج ,حوالى 10 جيجا
وحسبى الله و نعم الوكيل

اخواني الاعزاء انا اخوكم ايهاب واريد ان اتعلم نظام التشغيل هذا من الالف الي الياء ماذا افعل ؟؟؟؟؟؟؟؟؟؟؟؟؟؟