السلام عليكم ورحمة الله وبركاته
ارجوا من المهندسين الانشائين العاملين فى مصر ان يفدونى فى كيف نبدا العمل فى اى مشروع منذ استلام الرسومات المعماريه الى ان نسلم الرسومات الانشائيه ارجوا منكم الافاده فانا هبدا العام الدراسى الجديد وانا فى السنه الرابعه وعندى مشروع
وجزاكم الله خيرا عنا.

اشكرك يااخى على اهتمامك وجزاك الله خيرا

انا هحاول اشرحلك الموضوع بصوره عامه يعنى
اولا:- وضع statical system للمبنى المراد تنفيذه( من اماكن اعمده- لكمرات-نوع البلاطه) وطبعا دى مسئوليتك مش مسئوليه المعمارى يعنى المعمارى ممكن يساعدك ويحطلك مكان الاعمده.

ثانيا:- تصميم السلالم ( وبنصمم السلم عشان ناخد الحمل منه ونحمله على البلاطه )وغالبا السم بيكون 7 اسياخ 5 لينيه فى المتر سفلى وعلوى

ثالثا:- تصميم البلاطه ( بدروم - ارضى-ادارى - متكرر) كل على حده لاختلاف الاحمال والنظام الانشائى..وطبعا ده باستخدام ال sap او اى برنامج تانى..المهم توصل انك تطلع كام سيخ فى المتر للبلاطات وللكمرات بجانب الكانات فى الكمرات..وغالبا تفرض ابعاد الكمره 12*70 او 25*70 على حسب ال span وموقعها فى المبنى ( على الحدود الخارجيه ولا داخل المبنى )

رابعا:- تصميم الاعمده على القوى الرأسيه فقط نتيجه ردود افعال الكمرات ووزنها ( يمكن الحصول على ردود الافعال من برنامج الساب على شكل ملف excel )

خامسا:- حساب احمال الرياح والزلازل

سادسا:- وهى اهم مرحله وهى تصميم ال shear wall والاعمده على العزوم وهذه المرحله هى التى تحدد كفائه النظام الانشائى وفروضك المختلفه للابعاد

سابعا وهى المرحله الاخيره:- تصميم الاساسات بانواعها المختلفه للمبنى

ثم يتم عمل رسومات مختلفه من حيث 1- لوحه المحاور 2- لوحه تسليح سقف البدروم 3-لوحه تسليح سقف الدور الارضى 4- لوحه تسليح سقف الدور المتكرر ( ادارى وسكنى ) لوح السقف غالبا بيكون فيها ايضا تسليح الكمرات فى جدول 5-لوحه للاعمده ونماذجها 6- لوحه للاساسات وتسليحها( اى كان نوعها )

طبعا الحاجات اللى قلتها دى مش قاعده بس انا حبيت اقلك الموضوع بصوره عامه وياريت اللى يعرف حاجه يقولها

السلام عليكم يا اخى احمد اشكرك على هذه المعلومات
ولكن عندى سوال ما هى اماكن وضع الكمرات والاعمده فى حال انا كمهندس انشائى يضع التخطيط
وجزاك الله خيرا وجعله فى ميزان حسنتك

موضوع اماكن وضع الكمرات والاعمده بيعتمد بالدرجه الاولى على الخبره وعلى المطلبات المعماريه..فمثلا يتم وضع الكمرات فوق الحوائط الدور الحالى ولكن ليس بالضروره تحت كمرات الدور التالى بحيث يكون بحر الكمره فى حدود 4 متر للبلاطات solid ووفى حدود 6 متر لو كانت البلاطه flat ولا ننسى ايضا كمره نص الدور للسلم وان كان البعض الان يتم تحميل السلم على اعمده بير السلم مباشره ويتم وضع الاعمده فى الاماكن الميته من المبنى مثلا على الحدود الخارجيه وفى الحوائط ويمكن ايضا استعمال الكمرات الثانويه للمحافظه على الشكل المعمارى المطلوب واذكر ان الموضوع يعتمد على الخبره.

بارك الله فيك طيب متوسط اسعار المقاولين النجاره والحديد بكام المتر

معرفش..

جزاك الله خيرا والف شكر على اهتمامك